هات نفس يا عم!!!!!!!!

لو مشيت بكاميرا مثلا فى مكان زى الجامعة وصورت واحد ملتحى مثلا واتنين لابسين نقاب ومشيت شوية لقيت واحد بيصلى تعبت نفسك ومشيت كمان هتلاقى واحد ماسك مصحف.....انشر الفيديو دة ايه اللى هيحصل على طول مصر فيها مد دينى مش عارف يعنى ايه مد بس هو حاجة بتغرق فى النهاية....رغم ان الكاميرا مشافتش غير اللى انت عاوز تشوفة فى مهازل بتحصل فى جامعات مصر هى مشفتهاش ومش عايزة تشوفها ولا هتشوفها لانها عايزانا كدة!!!هى ايه؟الكامير طبعا
تعالى فى يوم تانى بكاميرا تانية وانزل وسط البلد هتصور هنا مظاهرة...كمان شوية عند المجلس كدة هتلاقى احتجاج عمال شوية كمان هتلاقى اطفال نايمين على الرصيف بعديها تلاقى ناس قليلة فى وسط الميدان حواليهم 1000جندى امن مركزى... اعرض  الفيديو دة زى الاولانى ساعتها وبكل بساطة هتقول اننا على مشارف ثورة واعمال شغب ولازم نوقفها....
لوكانت جابت الصورة كلها كانت هتلاقى شاب تاية اقصى اهدافة انتظار البوم تامر الجديد وبنت عاملة محتشمة من فوق وخرباها فى اماكن تانية وشاب تانى من ضمن اهدافة ان يحط ايد على كتف بنت(هدف سامى طبعا)وفئة كبيرة جدااا لسه بتقول ماما سوزان وبابا حسنى....يبقى فين المد وفين الثورة....كلام ناس مش عارفة تشد!!